7/18/2013

Prastise makes perfect

我覺得喺突破度做實習,最難一定係混音。其實混音最主要都係兩個部份,一個係人聲,另一個係首歌,如果你將兩個配搭好,其實就已經做完。但係淨係呢兩個部份,我已經做到想死。




首先講下把人聲。一開始個sense未有咁強嘅時候,揸住好多人錄咗嘅聲帶,都唔知邊到要剪鬆啲,俾返啲透氣位佢。阿絹一嚟聽到我個製成品之後,就會話呢一句要剪鬆啲,嗰句又要剪鬆啲,其實咁即係全段都要剪啲鬆囉,簡單啲來講即係重做。於是我就嘗試訓練下自己,拎住一啲阿絹話ok、啱快慢嘅聲帶,自己係咁聽,係咁跟住個個人講,嘗試感受一下,咩嘢叫做人地聽得舒服嘅節奏。

呢個算易架啦!揀歌係另一大障礙,首先我對音樂上嘅認知呢其實係無嘅,平時淨係聽開我偶像唱嘅歌,冇乜接觸其他類型嘅音樂。當我要揀一首啱特定場境嘅歌,最大嘅問題係,我睇唔出嗰啲歌有咩特定嘅場境,首首歌對我來講好似冇乜分別咁。我曾經試過為一個場景揀三首我覺得啱嘅歌,都冇一首阿絹覺得啱。

揀完歌之後,點入、係邊度入人聲都係個大學問。即係平時大家聽到的聲音片段,首先有前奏,之後先會有人聲。需要知道我本身係從來未學過樂器,完全唔識數拍子。阿絹就同我講,其實我都唔係好識數,但係就係要學囉,總之係八拍同第一拍中間入。我可以話完全摸不著頭腦,依家仍在學習嘅階段。

雖然我而家混音嘅功力仲係好渣,不過反覆咁俾阿絹bigbak之後,我覺得我係有進步嘅,起碼平時有義工來DJ班幫手嘅時候,我都聽得出少少佢有嘅問題。

2011年新新DJ 亞冰(現為暑假實習生)



Rubberband的主音6號話佢初初加入呢隊band嘅時候,成日都比泥鯭話佢無節奏感,安排了很多地獄式訓練給他。依家聽他唱歌,似乎節奏感有進步了。

(絹按:其實我初初學mixing的時候,都遇過亞冰的情況,當時比另一導師KK鬧得更利害!我對亞冰已經很仁慈了!嘩哈哈!不過,見住她呢幾個月學mixing,由最初完全不懂,到現在做得有板有眼,實在進步不少。只要keep住做、keep住錯、再keep住做,就一定會有進步!)

沒有留言: