11/30/2012

粉是炒硬的

過去一個半月,我負責帶新人做「孖咇。雙睇」。開咪前,睇稿、改稿都要一腳踢,終於知道平時亞絹同KK幫我地改稿,係幾咁「開心」。但係,喺每次「改功課」嘅經驗入面,都可以從人地嘅錯誤中學習,會睇到自己都要改善嘅地方,寫稿嘅技巧就係咁慢慢累積。

開咪嗰時,同之前頂替KK嘅感覺好唔同,六個字形容曬我嘅心情—「炒粉機會大增」(編按:「炒粉」即出錯)。因為帶著新人主持「孖咇。雙睇」,只係得自己同拍擋chit-chat,成個人就要即刻打醒十二分精神,要「眼明耳銳」,一方面要留意著時間,驚會over run;另一方面,又要豎起耳仔聽著partner講嘅嘢,要即刻俾反應之餘,對方講錯時,就要即刻幫佢兜返。以往呢D嘢,都因為有KK同亞絹喺度,自己都會懶得留意,變得好依賴佢哋。而家冇咗佢哋,一不留神,就好容易「炒粉」,但係從中反而會逼到自己更加學識執生,做一個獨立D嘅DJ。「炒」多幾次,就會愈做愈順,「功力」就係咁樣練返嚟啦!

2008年新新DJ Stephanie

小編:一齊聽聽Stephanie的「炒粉」之作(其實根本不覺有「炒粉」 ;p)

沒有留言: