各位同學仔都好準時，有D仲早咗半個鐘到！太乖喇你哋！但由下堂開始，遲到機制生效架喇，一分鐘一蚊啊！如果你想幫我哋個錢箱進帳下，我哋一定唔介意嘅 :D
十點鐘，先嚟一個warm up game，互相認識下啦！
玩完就開始上堂喇！除咗坐定定聽導師阿絹講解下一D理論外，同學都要開聲講下嘢喎，就係讀正音稿同埋練習唔同嘅表達方法喇！
讀正音真係一件好難嘅事。當同學仔讀「講」、「恆生銀行」、「朋友」等等呢D字個陣，D懶音都出哂黎！大部分同學有懶音嘅原因，一係個口好懶、唔肯旭，一係就未發哂個音就已經讀咗下一個字。呢個練習令同學仔知道自己懶音有幾勁，返去真係要好好練習喇！
 |
食完飯，就去錄音喇！我記得我第一次入錄音室嘅時候，緊張到爆炸，驚到連把聲都硬哂！雖然今屆嘅同學仔都話好緊張、好驚，但比起我當年，大家入到錄音室都好淡定喎！
錄完音，當然就到導師、師兄師姐比comment嘅環節喇！其實大多同學仔都係犯同一個錯誤，就係貪心！經過呢個下晝，同學都開始明白，做DJ唔係靠吹水架！
各位新新DJ，要繼續努力呀！：）
貝
沒有留言:
發佈留言