經過連續三日不停打電話同send email，終於通知哂所有入圍者！（拍手）喺通知嘅時候，唔少入圍嘅朋友都有同樣嘅疑問，就係：天才表演要做咩㗎？其實天才表演係無一個特定嘅題目或者表演方法，而往年都有唔同嘅表演，有人會講故事，有人會跳舞，有人會唱歌等等。
不過就有一樣野想提下你哋，你哋參加嘅係DJ訓練課程，話明做DJ，緊係靠把口㗎啦！喺電台工作，大多時間都只能夠靠把口向聽眾分享你自己或者社會嘅野。所以諗天才表演做咩好個陣，都希望你哋㑹諗一個問題：你呢個表演，關做DJ咩事呢？
再醒多你哋一個Tips啦，就係時間嘅控制喇！自我介紹同天才表演都係得一分鐘時間，所以唔好超時呀！其實之前喺你哋寄demo嚟都講過㗎喇，不過仍然有唔少朋友仔超時啊！記住呀，電台air time真係好寶貴同好昂貴，人哋係唔㑹比多幾分鐘，甚至幾秒比你講。
所以各位面試嘅朋友，你哋好好把握呢幾日，練熟呢兩份稿喇，我建議計埋時咁練，咁樣就唔怕超時啦！加油呀各位！：）
貝
PS: 上圖嘅叮叮㑹喺面試當日出現㗎，大家估下佢有咩用？XD
沒有留言:
發佈留言