今日同阿絹繼續聽大家寄嚟嘅demo。
請大家唔好怪我太直，我只係想幫吓大家點樣可以做好D隻demo...
就算真係咁唔好彩，今年唔能夠入圍面試的，下年可以再做好D，再接再厲嘛!
其實我冇咩tips俾到大家，只係講返少少我聽demo嘅感覺。
大家希望自己嘅入圍面試機會大D，就多D由評審嘅角度出發。
你諗吓，評審一日聽咁多demo，如果個個自我介紹都係講D「阿媽係女人」嘅嘢，
你話係咪會好悶呢? 所以，大家真係要俾D心思，加D創意，諗諗點可以令評審有耳目一新，突然俾你嘅demo「叮」醒咗嘅感覺!
當然唔少得嘅係喺內容方面落D功夫，都係o個句啦，如果你真係咁想入圍面試，
至少俾評審感覺到你對DJ班嘅熱誠丫~係咪? 如果你講到可有可無咁，
我o地俾你嚟面試，就實在太對唔住o個D真係勁勁勁想入DJ班嘅朋友仔喇!
期待聽你o地精彩出眾嘅demo呀!!
今日收到一封來信，入面有3張報名表格，3隻demo，不過得1張支票!!
上面寫咗$2700，即係3個人加埋嘅費用，(你無計錯數，我唔係話你寫錯咗)
不過，大家要明白如果你不幸地入唔到DJ班，我o地係會退返張支票俾你o架!
如果得其中一個朋友仔最終可以入DJ班，其餘2位唔入，咁我o地應該點處理你張支票呢?
所以，千萬唔好幾個人寫埋同一要支票，分開返寫喇!
Angel =]
沒有留言:
發佈留言