今次係自我介紹之後嘅第一次正式開咪，緊張嘅感覺已經消失~隨之嘅係興奮嘅心情！八點五分，節目終於都開始，等待住第一節嘅完結，心入邊不停喺度諗「快d，快d，快d！」 係要佢地講嘢講快d，而好想時間過得快d，可以等我再一次係大氣電波入邊發聲~一路等待緊嘅過程我就一路係度行嚟行去(可能係我唔停得落嚟唧 =.=”)，直至到我要準備，先乖乖地坐定定~
今次講嘅題目係畢業，同上次唔同嘅係今次只係得番我同阿絹2個人…最大嘅分別當然係我死咗有阿絹救，但阿絹死咗呢…我就好難救 =__= 綵排嘅時候就出現咗依個問題喇~我比唔到位阿絹落去下一個point~咁點算好呢? 最後我嘅決定係用一個最原始嘅方法，就係問番阿絹嘢！我承認係我處理得唔好，但都好彩件事仲run到！
而最最特別嘅地方就係依句對白：
「依家嘅時間係晚上八點四十八分，室外氣溫廿一度，相對濕度係百份之八十四」
我第一次做咗天氣先生去報時同報天氣！原本喺八點嘅時候，阿絹已經問我地有無人想報，但就果個時刻就見證住阿絹報天氣果陣炒咗次粉 =__= 即時信心大趺，但Janet依位女孩子仲咁有信心去試！咁我無理由失禮男仔咖嘛！到八點四十八分果次又有機會報喎！咁就緊係即刻同阿絹講我報喇！好彩都叫順利過關唧！
總括今次都係不過不失咁，希望下一次可以比今次再有進步！
PS：回水之路又前進咗一大步喇XD！
09新新DJ Zero
註：Zero在12/12開咪，主持「關二歌」環節
沒有留言:
發佈留言