新新DJ餘生記

上完六堂，對好多事情o既睇法都改變o左，當中包括對自己o既睇法都有改變。一直以為自己把口好「掂」，唔係﹔一直以為自己表達能力好好，都唔係。上堂要交o既功課，都令我慢慢了解到自己有咩優/缺點，令我明白到自己有咩地方需要去改進。其實六堂o既DJ課程只係好基本o既訓練，但係足夠令我明白DJ並唔簡單，比我想像中o既難做…再更加難做，做DJ要見人所不見，聽人所不聽，講人所不講。

上堂o既時候，聽過一句說話：「當機會真係o黎到，點解會係比你？而唔係其他人？機會只會留比準備十足o既人。」

我自己其中一個改變：一直以為自己對任何事係三分鐘熱度，唔係！當機會來到，我都要準備十足，去捉緊一個機會！彈稿咪彈稿，我唔驚你！因為DJ就係我夢想！

09新新DJ 亞NOI