六堂的時間如白駒過隙，貶o下眼就完結了。由第一堂，大家靦腆相覷，到最後一堂大家變得誓不饒人地「串串貢」，可謂百般滋味在心頭。過程中，學到很多，認識很多。
學到的不只是選材、撰穚、咬字、Tag歌、錄音……還有學到善用時間。哪管你雄辯滔滔，節目時間夠就請收聲；哪管你學富五車，考試時間完結就請停筆。如何能與時間配合，做到「快、狠、準」，真是一門極深的學問。
正所謂四海之內皆魚蛋，喺呢六堂入面，認識到很多粒魚蛋。各具特色，有辣，有唔辣，有甜，有鹹(男仔佔大多數，小弟除外)。哈哈，每次上堂總係同佢地嘻嘻哈哈，天南地北，風花說月。有的魚蛋被天下圍攻，有的魚蛋就先下手為強，有的魚蛋就隔岸觀火。透過這些戰爭，大家亦有了默契，上靶下靶亦自動對號入座。真過癮~~
最後，要多謝一眾導師、嘉賓和師兄師姐，經常帶你地穿梭於「街市」及「大酒店」，上堂時總係嘈個不停，痴晒線咁。但一到Q&A時間，就「眼光光，食咗幾啖豬油湯」，靜到好似菊姐首歌咁，講不出聲，全場鴉雀無聲。哈哈，謝謝你地嘅忍耐，亦多謝你地為我地所預備，所付出的。我地知道，一切一切都是得來不易的。
這趟旅程真是超值，各位魚蛋努力。
嘩哈哈哈哈哈，感謝主！
08新新DJ肥輝
(無花無假, 肥輝同火柴人真係一樣樣!)
沒有留言:
發佈留言