賣笑日

2008年4月19日 (六) 0730 三號風球

當日是我公司的賣旗日

根據經驗(常識), 下雨天賣旗是一件幾"濕滯"的事, 因不能走在街頭賣旗 (一手旗袋, 一手旗紙, 何來有手撐傘呢? 除非是千手觀音吧!) 加上途人冒雨趕返工, 如要買旗的話, 便要收起雨傘, 翻手袋/背囊, 幾經辛苦才找出散紙包, 仲要無散紙!!! 所以d人寧願不買旗, 你話喇, 想賣多d旗幾難呢?

幸好, 我當日派駐油麻地港鐵站, 尚可力保不濕. 加上早上還未下大雨, 途人心情不錯, 再加上我使出必殺技, 結果賣旗成績甚好:

不漁翁撤網, 只對空氣叫"買枝旗啦!", 無對象, 何來有人理睬?

所以我望著路人的眼睛, 並問: "先生/小姐, 可唔可以買枝旗呀?", 讓對方知道我是跟他(們)說話, 有一對一的對話感覺, 才能展開溝通 (買旗) --> 此乃溝通學中的"Golden Touch", 好好把握與陌生人接觸的最初幾秒, 便有助之後的互動

正所謂"伸手不打笑臉人", 我發現我展露迷人的笑容時, 能有效溶化路人的冷漠, 所以我笑了一個早上. 而且我又發現問"先生/小姐, 可唔可以買枝旗做善事呀?", 路人的反應會更佳, 所以有以下的佳績:

清空15張旗紙, 每張有30枚旗, 即共賣出450枚旗!!!

有些人會問:
「要比幾多錢呀? 」
「我無散紙, 買唔到旗呀!」
「我得一兩毫, 唔好意思買旗...」
面對呢d朋友仔, 我的回應是:
「做善事唔係交易, 你有幾多就比幾多啦~」
最後這些朋友仔竟然唱散紙/比紙幣買旗, 真有心!!!

賣完旗, 天氣便開始轉壞, 而當晚我要到電台"開咪" (就算八號風球, 我都要照去, 你幾時聽過打風會無人做節目呢?)

出發前的雨勢:
路上的風光: (我以為自己在花灑中)


下車後的情況更壞, 風大到我要找地方暫避風頭...雖然我短褲+涼鞋上陣, 但仍全身濕透! 開咪時, 我跟另外兩位主持人都脫...去鞋, 好清涼地做節目 (幸好不用上鏡~)

但好多資料要報啊: 三號風球+黑色暴雨+雷暴警告+山泥傾瀉+新界水浸特別報告, 讀到我氣咳!

絹