12/05/2007

放呀放呀

仲記得上堂嗰段時間,唔知邊個話「當你聽到自己份稿有得出街,會好有滿足感」,呢一刻我終於感覺到啦!


從今,我確實明白何謂台上一分鐘,台下十年功的道理了!只是簡簡單單約兩分鐘的稿,我就錄左兩個半鐘...


「喂...阿便呀?阿絹呀!我想約你錄音呀...」


咩...咩...咩話?約...約約...約我錄音???七上八落歡喜若狂笑逐顏開笑不攏口哄堂大笑,笑笑笑笑!!!總而言之,就係非筆墨能夠形容得到的快樂!!!仲未抑制到自己嘅情緒,就要約時間啦!!咩話?! 要下星期出街?擇日不如撞日,就聽日錄啦!橫豎聽日放假...


啱啱掛線,我就係間屋跳呀跳呀跳呀...開心嘅係能夠將自己嘅嘅心聲,喺大氣電波中傳開去,希望有人會有同感啦!


但最無奈嘅係...係我...係我個鼻呀“乞痴”...正值感冒高峰期,感冒菌揀中我!鼻音仲過白姐姐呀!


久違的錄音室呀...唔知點解,心情又無嗰時嚟學嘢咁緊張,或者係因為無比較掛,人又少嘅關係啦!但可恨我個bass(個鼻),總係好“盟”!其中一段要索鼻扮聞嘢~但奈何D鼻涕喺度蘊釀緊,變左索鼻涕聲,唉...


「放D啦...唔夠放呀!」呢句係我喺錄音室聽得最多嘅說話,我連屁都放埋啦!點先叫「放」呢??阿絹講咗句:「呢D嘢要自己領略,不能言傳」,啊...即係咩呀?


然後,我每一段都要錄五,六次,先至做到阿絹嘅要求。


究竟咩係放D呢?到依家我都只係參透到一半,所以到最後阿絹收貨時,我都呆咗一呆,先比到個開心反應佢,乜原來我放左架啦?

新新DJ亞便

1 則留言:

匿名 說...

講真的, 你今次表現不錯!

去這裡聽o下亞便的作品吧!

http://www2.uzone21.com/blog/myBlog.epl?id=newu997&mid=3810