奇蹟

究竟呢個世界有無奇蹟？

如果有…又會有幾多個呢？

如果有…又會唔會發生係我身上呢？

一直以來，我都好唔鍾意答假設性嘅問題。因為我覺得好無謂，與其去花時間諗呢D咁虛嘅嘢，我會prefer實幹多D......

其實我都有諗過咁樣個人係咪太現實，太唔天真，太唔可愛…而我比自己嘅答案係:「時間係Limited! 係唔等人架! 都係實幹D好!」Fine~我明白我D思想已經開始變到唔太似一個年青人，諗嘢也愈來愈現實，做嘢又愈來愈講求:「最緊要穩陣!」

無錯~我不嬲都係嗰d唔敢賭錢唔買股票嘅保守穩健派……但係呢期我好似有少少改變bor! 最近，我為自己定咗個目標，我想將不可能變成可能，我想創造奇蹟!

其實講到奇蹟又有少少誇張嘅! *拿拿拿~我無講到係神蹟都叫做含蓄咗架喇!哈哈*
不過要達到呢個目標對我來說有一定嘢難度! 我唔想得個講字，我想做出來!所以我10個月後先話比大家知呢個目標究竟係咩啦! 哈哈~我想以達到呢個目標來證明人係不可以看輕自己! 我們的潛能是很大的! 只係…未發揮出來吧!

試想想，其實我地能夠係千萬競爭者中脫穎而出，順利成為胎兒並且出生，已經係一件不可思議嘅事喇! 所以大家都不要看輕自己的力量，努力達到自己的目標吧!

新新DJ Ceci