茶樓奇遇

早幾日同爸爸去左旺角行街....行到餓餓地...就諗住去茶樓飲杯茶食個包~去到一間茶樓門口..見到個知客企o係度同個啊伯用緊粗口傾計...完全冇留意我企左起佢面前最小都有5秒!!!..雖然係咁..不過我都問佢拎飛~~

入到茶樓入面…我同爸爸拎住張飛係咁望黎望去搵位置…負責樓面既人望到我地無助既眼神…但都冇理過我地…冇人招呼!(註:佢地只係企係到吹水.唔係做緊野!) 直至我爸爸主動去問個部長〝唔該!呢張飛既位置係邊呀?〞點之個部長竟然好悔氣咁答〝你鍾意坐邊就坐邊啦!〞

哇…….我身為客人..面對你地咁既服務態度都未發火…佢竟然咁既語氣??於是我即刻拉爸爸走!!!寧願餓多陣都唔想幫襯呢間茶樓!

行左大概5分鐘…我地又搵到另一間茶樓…

今次門口都係企左個知客起度..但態度明顯比岩岩果間好! 起碼佢會講聲〝你地好!歡迎光臨!〞先啦~拎左飛..入到去…有個部長招呼我地!雖然佢都係話〝呢d飛冇位置架!你鍾意坐邊就坐邊啦!〞, 但態度就好好…起碼有禮貌兼笑住黎講丫!!

Ha~~係呢個時候…我終於可以舒舒服服咁食一餐喇掛?~~

點之…坐低左都唔夠2秒…有個捧住幾籠點心既啊姐走埋黎…〝啪〞一聲放低個盤..問我食唔食入面d點心..我望一望之後…就話唔使住…但佢冇就咁罷休!

反而拎左2，3籠點心放左係枱面..好惡咁同我講〝呢d即食咪仲好!你又剔點心紙又要等幾煩先得架…比張咭黎同你給左佢啦~〞

哇…佢係咪有問題呀???格硬黎都得既?我話唔要…佢就係都迫你要…

於是我堅守到底!同佢講〝咪住!你呢d點心咩點先?〞

係呢個時間佢有d口疾咁話〝頂點囉!不過我地呢到d點心好好食架!你睇下d燒賣..好大粒架!〞

4粒燒賣要頂點? 20蚊4粒? 使唔使呢?最後我都係拒絕左…同時佢亦都好不忿兼好大聲咁同其他同事講〝捧左咁耐都冇人要…好累呀!〞

我覺得佢好明顯係講比我聽!! 唉…我真係覺得呢2間既茶樓好可怕!

呢度係一個熱鬧繁榮既市中心~又係旅客.自由行既遊覽地~點解d服務態度比新界仲要差? 愈先進..愈文明既地方..唔通個人既文化水平就唔可以成正比? 以前我總係覺得新界論繁華論熱鬧論多姿多彩咩都比新市鎮落後…但經過呢次事件,我發覺新界這個地方更優勝!!

bi